頂日仔寫个，即陣貼起來，有兩節。
《中國文學論叢》錢穆先生著，聯經全集版。〈一五、略論中國文學中之音樂〉，頁二二六：
西方人雖盛倡自由，然又樂於投身外面複雜環境中受其束縛，遂於此重重束縛中，爭取得絲毫自由，引以為人生大快。西方文化本身如是，音樂亦其一部份，自不例外。
西洋儂一方面歡喜甘願為外口个物件戇戇踅(gong7-gong7-seh8)，失去內在个自由，才著閣來強調自由，要求自由，結果又閣是向外口去追求自由。
《中國文學論叢》錢穆先生著，聯經全集版。〈一七、品與味〉，頁二五三：
古人詩「振衣千仞岡，濯足萬里流』(cin2-i1 chian1-jim7 kong1, cok8-ciok4 ban7-li2 liu5)。今人則必在萬目睽睽(ke1)之下振衣，一振衣而下座，掌聲雷動，乃始快意。千仞岡上，何人得見！海水浴場，亦必人群俱集，乃始成一場面。一人濯足，則何情味可言！故千仞之岡，則必組旅行隊。萬里之流，則必組游泳團。一人閒居，必感無聊。古以窈窕(iau2-thiau2)乃成淑女，今則儘時髦(mo5)，儘摩登，投入人群中活躍，以供人玩賞(guan2-siong2)為己樂，人品亦化成商品，良可嗟(cia1)矣。
有當時仔，我會giau1-gi5家治是毋是生毋著時代，生毋著所在。一方面感覺世間儂塊興(hing3)啥麼，佮我攏無ti7-tai7；一方面閣感覺我出世來做米蟲，有影是見笑代。
俗語講：「做狗毋認路食屎」(co3-kau2# m7 jin7-loo7- ciah8-sai2#)，抑做儂若毋認路，歸氣去跳海。一儂一路(cit8-lang5 cit8-loo7)，我煞攏佇三叉路口塊徛侺(khia7-sim7)。
註：
一、認路(jin7-loo7)，佇遮是認份，守本份个意思，毋是會認得路迄个認路。
二、徛侺(khia7-sim7)，本義是干樂扑出去，椆(tiau5)佇一點直直翱(go5)。引申義是儂 gang7-gang7峙(chai7)咧，茫茫渺渺。
Comments powered by Disqus.