做兵个時，火燒車个經驗

我做兵个時，一擺出去訓練，坐兵仔車，軍卡車斗崁布篷，一條帶仔收無好勢，垂落去，佮車輪一直摩擦，半路就𤏸火起來，逐家緊跳落來。

寢頭是一點仔火星，結局規台車殼燒了了。佳哉是柴油車，無爆炸。

明明都規定車內著愛有滅火器，但是車隊个士官兵就是凊凊彩彩，無攢予便。後來敢哪大事化小事，無聽見怹有受著啥乜懲處[tîng-tshú]。

遊覽車火燒車个悲劇，大部份攏是人為過失，無照規定組車，無照起工一項一項檢查安全措施，甚至為著加趁寡錢，煞改裝車體。