本文
社會上有一種強烈个主張：「台語是自古流傳落來个漢語，所以寫台語一定愛完全寫漢字，無應該濫羅馬拼音」，其中大概閣分兩種儂，有儂相信「台語有音就有字」，有儂認為「台語若真正揣(找)無字，嘛會使造新字」。
問題是，我毋捌看過怹親身寫過一篇較長个純台語文。
可比講，有儂規世儂毋捌泅水，伊看著有儂跋落水，得欲駐[tū]--死矣，就佇岸邊大聲喝[huah]講：「汝雙手緊掰[pué]水，雙跤緊踢水，就袂沈落去矣！」
俗語講：「看俺公食雞胘－－脆脆」[Khuànn án-kong tsia̍h ke-kiān, tshè-tshè]，代誌真正毋是像伊所想个遐爾簡單啦。
我雖然有法度寫出「全漢字」台語文，但是背後有兩點困難：
一、真濟所在，若無標音，儂就讀袂好勢，毋是袂曉唸，就是唸毋著音。（指台語文有學過相當期間个儂）
二、其實我有用偷食步，閃過一寡無適當个漢字通寫个台語語詞，有時是用教育部台語辭典有收个講法，有時是用漢語共通詞來代替，犧牲有特色个台語詞，來屈就漢字。
目前教育部个台語教育政策，雖然無硬性規定著愛寫全漢字台語文，但是伊所辦个語文競賽个台語朗讀稿，內底攏寫漢字，除了用台語音譯个外來語以外。干焦一半字仔，伊有佇文章後壁註明音標。
按呢做，連我即種儂，逐工寫台語欲倚三十冬，猶原不時踢著鐵枋，毋知文章內某一字按怎唸，著愛一直查字辭典，查來查去，結局嘛是閣有無把握个所在。
這原因真複雜，其中一項是：台語漢字，一字多音个情形非常驚儂，愈常用个漢字，愈濟唸法。閣一項原因是，教育部台語辭典雖然才兩萬个詞條，但是其中个「日常音 配生疏字」个情形真濟，所以記袂起來。
「全漢字台語文」，聽起來真合理、理想，實際上是「全捌[bat]全驚、半捌半驚、攏毋捌就攏毋驚」，毋捌寫過台文个儂，才會想講照按呢落去做，絕對無問題。
面冊網誌留言
Ahim Tân
Gún是講”食雞kiān”.
潘科元
著，我來改一下。多謝。
林文信
像阮遮講，看人食雞胘saunnh-saunnh教典連韻母嘛煞揣無，莫講漢字
Jūkhái Piãbér Lîm
koh ū kiūⁿ-kiūⁿ, khiū-khiū leh
陳義高
林文信先生所寫的是咱宜蘭正港講法，念了真親切^^
廖瑞銘
愛到民國幾百年，咱才會脫離「漢字」的愚弄。了解台語漢字是欲解讀文獻，毋是欲來書寫台語。今仔日的問題是台語beh死矣，毋是台語漢字未曉寫，拜託leh,Mai koh討論台語漢字矣。
潘科元
三不五時，就會有面友來質疑，姑不將，著愛繼續教育群眾。
Tiunn Siok-tsing
哈….像我毋捌就攏毋驚,免考稽,想啥寫啥..bi7就好囉 ^^
Chloros Lin
一字多音的確係全漢字臺語所面對最大難題，不過你若打羅馬字，其他漢語人就睇唔明喇。全漢字臺語易明明識。
張阿天
Chloros Lin、歌仔冊汝敢看有？
Chloros Lin
略略有睇過吓
Úihim Khu
脈絡很重要咧。如果不依在台灣，說、寫，以及對抗華語霸權的脈絡下來論，卻跳出一個「其他漢語人」的脈絡，那真是 竹篙鬥菜刀。 再說，什麼叫做漢語人？哈！豈非又掉入漢語方言的意識形態泥淖中而不自知？
張阿天
「看有」＝睇得明
張阿天
依家「全漢字台文（學老文）」最大嘅問題唔係「一字多音」噃。一字多音溼溼碎嘖。
Chloros Lin
望指教
張阿天
問題嘅本質同前人用漢字寫日韓越文遇到嘅問題係一樣嘅。
Chloros Lin
非漢語詞多？
Úihim Khu
什麼是漢語詞？先定義好再來討論。
張阿天
係。非漢語「辞素」多得滞、漢語辞素又多層。好多音節想寫借音字都冇得借。借到又只不過係「當て字」、文字效率低。
Gontera Yeh
這篇親像咧講我的 blog 仝款，哈哈
潘科元
特別是「偷食步」迄搭 :v 但是欲推捒科技台語，汝个做法才是王道 😊
Khu Tan-nî
漢字摻羅馬字thàu-lām咧寫，我感覺欲推廣是較會予人接受，上無一半以上攏看有，摻羅馬字koh會當補充發音的問題，而且有ê tsiânn僫看ê漢字kap造字，用羅馬字就會當確定知影愛按怎唸
Joyce Cuinn Yul
讚成Danny Chio ê 看法，我馬是認為欲推sak母語是誠好 ê 方法，至少台語bē無去
Khu Tan-nî
多謝你ê認同，咱有kâng-khuán ê看法^_^
六年己班
強烈的主張，的音e，个有二音，e
e，音同漢文鞋，ko音同漢文告、個
一定要完全寫漢字，一定愛乃客語
不應該納羅馬拼音，不音同無，納音同濫
復分兩種人，復音各，人音同膿、籠，儂上海話，音同郎、農，
潘科元 多謝汝个意見，這阮以前攏有討論過。台語漢字按怎寫，隨儂有伊強烈个主張，因為本文毋是咧討論「若欲寫漢字，應該按怎寫」个問題，所以佇遮無閣辯論，多謝。
Comments powered by Disqus.