反抄襲系統

期尾報告，有愈來愈濟學生，到半暝 袂堪得網路个引誘[ín-iú]，上網抄別儂个心血來交。論文抄襲，比考試作弊[tsok-pè]閣較嚴重，閣較袂使得原諒。

老師應該一開學，就對學生明呼明品：「抄襲是學術界上大个禁忌，一篇報告抄襲，學期成績一律死當。」期中、期尾个時，也愛時時提醒。

若 Google "plagiarism check" 就揣會著袂少英文網站个服務，會替老師掠抄襲，也幫學生確定伊引用儂个文獻，格式有正確，出處有明白。

中文个網站服務，也通 google "論文抄襲檢測系統"。咱會發現，中國已經發展出一寡專門提供老師使用个「反抄襲系統」。另外也有「反反抄襲系統」，也就是明明是抄儂个，但是經過伊个網站替汝調整文字了後，會予「反抄襲系統」檢查袂出來（當然，也有真濟烏食烏，騙儂个網站）。

台灣教育單位，也著趕緊開發即種系統。毋是無相信學生，實在是二十一世紀个人性，已經非常脆弱。提早預防，減少抄襲个動機，是好事。