台中月琴唸歌班第一期結業感想歌

台中月琴唸歌班第一期結業感想歌

潘科元編作

以下毋成[m̄-tsiânn]作品，敬請老師佮各位同學，無相棄嫌，多多指教，感恩。

有个所在，愛拗一下，來配合歌詞語言个聲調，無完全照咱个譜，明顯个差別我有佇迄字後壁加注簡譜數字，因為無方便加下底線，音符个長度請家治調整。另外閣有一寡細節，無詳細注明。

江湖調个部份，卡自由，佇遮嘛無特別加注彈唱法。

------------------------------------------------

(江湖調)

1. 各位姊妹好弟兄，我來唸歌予恁聽，

    五音不全唱袂正，原諒小弟卡無聲。

 

2. 姓潘科元我名字，屏東萬丹阮本居。

    母語險仔放袂記，挽救文化勿[mài]延遲。

 

3. 台中開基欲舉辦，教儂月琴唸歌班，

    趕緊報名勿怠慢，欲揣即種誠為難。

 

4. 唸歌藝術咱國寶，文生先生蓋gió-to，

    國明老師有--一套，千載良機緊來學。

 

(台東調)

5. 有心想欲來學唸歌詩3，卡輸聲喉啊喂有參差，

    牛聲馬喉無捨施，唱歌卡慘啊喂佇咧刣豬。

 

6. 雖然台語捌小可，聲帶無好啊喂無16.奈5.3.何5.6.，

    萬望老師包容我，分阮搵油啊喂罔16.學5.3.彈5.6.。

 

(五更鼓)

7. 開始拄學無勇氣，感謝老師足慈悲，

    耐心牽教好脾氣，路途吊遠[tiàu-uán]無推辭。

 

8. 一遍彈了閣再一遍，欲學勸世唸歌仔仙。

    指頭膨泡[phòng-phā]無想僐，逐暝勤彈月琴絃。

 

(家婆仔譜)

9.  月琴唸歌仔真趣味，大家相招緊來去唷，學琴唱歌詩，真5.誠[tsiânn]5.1足趣味。

（以下隨意重覆唱）
曲3調2配3-合2咱1个6.台1語26.，真有味！
彈啊彈啊足爽快喔誠歡喜，彈22啊6.1彈2-。

愈學愈彈愈趣味，台1語21唸6.歌6.仔1足6.神5.奇3.5.啊3.，
實3.在5.足6.神5.奇^5.6.-，愈5.彈5.1愈趣味。

月琴唸歌仔真趣味，大家相招緊來去唷，學琴唱歌詩，愈彈愈有味。

 

(文和調)

10. 月琴琴身圓lin-lin，兩條琴線莫[bo̍h]看輕，

      伴咱唱歌好鬥陣，高貴琵琶來化身。

 

11. 月琴初學算簡單，彈會軟略[lio̍h]誠為難，

      琴聲幽幽真希罕，𤆬[tshuā]咱轉去古世間。

 

(江湖調)

12. 文化寶貴愛研究，彈唱民謠解憂愁，

      認真練習捷捷餾，骨力種作望豐收。

 

13. 文化失傳足扑損，感謝老師𤆬入門，

      傳統藝術毋通斷，咱著用心想久長。

 

(狀元樓)

14. 下昏上課上尾擺，拜託先生愛閣再來，

      半途而廢足無彩，勞煩老師3著閣安排6.1，國明老師3拜託閣安排6.1。

 

15. 汝咱同窗誠歡喜，望恁接納阮友誼，

      感想到遮講完備，期待相逢12再會時6.1。

------------------------------------------------