台語第八聲變調比第四聲本調較低

台語普通腔口八聲（-p/-t/-k 收尾个第八聲）一般變調，所呼出來个調值，現拄現比第四聲本調 調值較低。

通俗个解說，講做第四、第八聲【互變】只是一種差不多仔个講法。口八聲所變出來个變調調值，實際無存在佇呼八音个本調个調值內底。

這是【一般變調】，若是口八聲个【仔前變調】，調值才會佮口四聲本調仝款。

比較：
【姪仔 tit8-a2】【姪女 tit8-lu2】
【翼仔 sit8-a2】【翼鼓 sit8-koo2】

前一个【姪】【翼】才是變佮第四聲本調調值仝款，攏是中短調；若是後一个【姪】【翼】實調比第四聲本調較低，是低短調，即種低短調無存在佇本調調值內底。

若是毋信个先進，請揣一位音感會得過个音樂儂，唸予伊聽。