台語羅馬字無設計「變調號」佮「本調號」所產生个問題

本文

主流台語羅馬字系統（佇遮指傳統教會白話字佮教育部台灣閩南語羅馬字即兩套）所用个「連字號」（hyphen）並毋是「連讀變調號」，一百六十幾冬來到今，並無設計出「連讀變調號」，也無設計出「本調號」。

「雙連字號」是表示後壁音節愛讀輕聲，頭前音節就愛唸本調，這毋是完整、獨立个「本調號」。

佇「主流台語羅馬字系統」內，也有佮一般無仝款个特殊標調法，我見識有限，大概有看過兩種，一種是標做第幾聲，讀者就直接唸第幾聲，毋免家己閣判斷佗位愛唸變調、佗位愛唸本調，像「我是臺灣儂」，若用一般記法是：

Góa sī Tâi-oân-lâng.

若伊迄款標法就是：

Goa sì Tāi-oān-lâng.

閣一種是用撇來撇去个閏號來標記本調（嚴格來講是「調類」），閣佇必須變調个音節頂頭加註數字來提醒愛變調，而且是變第幾聲。即種做法，出現佇台中天主教 瑪利諾會个台語教材佮出版品裡。像頂面例句，伊就會印做：

 1   3  7   7 
Góa sī Tâi-oân-lâng.

過去个白話字教育，有兩種對象，一種是予本來就真𠢕講台語个母語儂來學台語文个讀寫，採用只記本調个傳統標調法，予怹家己去調整做變調。這一開始會礙虐礙虐，讀久了後，顛倒真自在。但是另外一種教育對象是外國傳教士，若無標變調，到底啥所在愛變調，我真正毋知一向是按怎教个。總--是，瑪利諾會就規氣特別用數字來表示變調。

附圖是瑪利諾會1992年出版个《台灣年俗》，作者是洪惠眾。咱看會出來，這欲做教材會用得，但是版面太複雜，無適合予一般使用者照按呢个格式來書寫、扑字，因為實在傷過厚工，毋是有效率个書寫系統。

《台灣年俗》第一章〈台灣个年節〉

---

面冊網誌留言

Pierre Magistry
guá m̄ liáu-kái uī siánn-mih ta̍k-ê ná sī kóng bûn-jī ê hē-thóng, lóng í-uî piàn-tiāu sī tsiok tuā ê būn-tê.

特別是習慣看漢字的人！人類所寫和所講有差異。無論是講哪個語言，好像沒有一個完整地表達聲音的文字系統。是不可能的，所以大家可以放鬆。

若看得懂、念的出來，我覺得靠傳統就好! （好處的是這樣看得懂古老的文章）
阿啄仔也會習慣！:p
念錯也沒關係吧，下次念對。
我個人來不及算變調，而且練習講外語的時候，想太多和怕說錯也不行。

另外，如果我們來考慮電腦的輸入法應該怎樣，問題就不一樣。

潘科元
按怎設計出一套上蓋有效率个拼音系統（兼顧書寫方便佮教學需要）來予學習者真緊就學會曉台語，學習者閣分做母語儂（主要欲學台語个讀、寫）佮外語儂（需要同齊學習聽、講、讀、寫），這是我个思考角度。

洪熙文
我看這个所在母語人佮外語人的需求有影有差別。母語人變調無寫出一般來講嘛無差，自然會讀做正確的聲調。毋過外語人，抑是講細漢時厝裡普通無咧講台語的學習者，欠母語人的語感，愛練習誠久才會慣勢變調的規則。所以標出變調上少對學習者非常有利。

但是毋但是學習者，標變調對母語人嘛有好處，是因為是毋是讀變調，有時仔會產生意思上的差別。免講「āu--ji̍t」佮「āu-ji̍t」等等用輕聲符號就會當分別的例句，輕聲符號嘛袂當救人的情形嘛是有的。譬如講「指頭仔長的杜定」若讀做「tsíng-thâu-á tn̂g#--ê tōo-tīng#」（用#字來表示讀本調的音節），意思就是彼隻杜定佮指頭仔平長；阿若是「tsíng-thâu-á# tn̂g#--ê tōo-tīng」，就是講彼隻杜定的指頭仔真長。意思差真濟，口頭嘛明明有分別，按呢寫字嘛欲揣辦法共伊分明敢毋是真有道理？

Pierre Magistry
著矣,
你按呢講變調就是一个斷詞的問題。佮其他語言無差.
斷詞這个問題是無完美的解答.文字系統攏袂得通解決

講話的時陣,會當用prosody標示.
書寫的時陣,會使標點
我若寫«tsíng-thâu-á, tn̂g--ê tōo-tīng» 你就會當看有«tsíng-thâu-á# tn̂g#--ê tōo-tīng»這个意思

學台語的時陣,用較明顯的方式正好,像你舉荐的”#”真讚!

潘科元 : 定著要一个系統,兩个用法無?

張阿天
這「＃」袂䆀、總是視覺上鑿目。主觀个感覺。

蕭平治
文章創作、書寫維持傳統寫本調方式，是bueh hō͘ ē-hiáu羅馬字ê人看；若是羅馬字音韻教學tsiah來指導變調斷詞規則，是教學用--ē。標變調ê文書m̄是hiah簡單，ē阻礙創作ê文思kap速度，mā-ē阻礙kap作者無仝思考ê讀者。

Gina Tseng 每一个語言攏有伊的特色，台語的特色就是聲調佮變調，書寫維持本調字音、字義較袂走精去，較有利書面傳承。

Jūkhái Piãbér Lîm
可參考 希伯來文教法

Gina Tseng
有啥特色？

Jūkhái Piãbér Lîm
念跟寫的不一樣 或是 母音記號….

Jūkhái Piãbér Lîm
另外，漢字卻不用負擔發音或 變調？

潘科元
像歌仔冊个漢字，就負擔較大个發音佮變調功能，所以符號攏是在儂用个。咱只是咧討論看，著按怎設計，會通予儂較快學會曉聽、講、讀、寫四種能力。

Jūkhái Piãbér Lîm
How?

Pierre Magistry
我的朋友閣研究這个: https://en.wikipedia.org/wiki/Silent_Way
可參考