【倒轉--去 tò-tńg--khì】：華語〔回去〕，台語簡單講【轉--去 tńg--khì】、【倒--去 tò--khì】，較工夫講「倒轉--去」。
聲調說明：「倒」本調第三聲，變第二聲；「轉」唸本調第二聲，無變調；「去」雖然佮本調聽起來差不多，其實佇遮是唸低調輕聲，佮第三聲本調低調真接近，但是較輕、較短--淡薄仔。
文例：阮老師莊先生戰後對漳州過來台灣教冊，無疑悟國共內戰爆發，伊一世儂就無機會倒轉去矣。
【倒--轉去 tó--tńg-khì】：華語〔躺回去〕。近義詞組：【䖙--轉去 the--tńg-khì】
聲調說明：「倒」唸本調第二聲，無變調，雖然佮「倒轉--去」个頭字聽起來實調仝款，其實本調無仝。「轉」、「去」攏唸低調輕聲。
文例：阿元最近咧實行新生活，早睏早起，暗時11點睏，早起猶未5點，起來便所。了後想講驚無夠眠，就閣倒--轉去，6點外才起來。
（2020-10-18發表佇Facebook）
Comments powered by Disqus.