本文
（有報名个朋友，想欲知影啥乜項目、內容、疑問，若無寫著，歡迎提出。）
1. 台語聲調基本觀念：
調類、調型、調值、調階、本調、變調、勾破
1.1. 調類：抽象个聲調分類：平上去入分陰陽。
1.2. 調型：具體呼音出來个聲調型態，三種分析角度：調階（懸低調）、調勢（平板調 vs 起落調）、調長（長短音；舒聲 vs 入聲）。
1.3. 調值：用數值來精確描寫調型。
1.4. 本調：調類个基本分調，主要用佇單字呼音佮詞組尾个重讀音節。
1.5. 變調：調類个一種分調，有分基本變調佮特殊變調。
1.6. 勾破：仝一字，因為詞性佮詞義發生分化，致使分化出新个調類。佮以上所謂本調、變調無仝層次。勾破是辭彙个一部份，字典著愛明文隨字記載，使用者著愛隨字學習、記憶；本調、變調屬佇音韻規則在內，字典毋免隨字記載，只要掌握背後个原則，就通應用無窮。
2. 思考台語變調个三大層次：
2.1. 為何著變調？
2.2. 底時著變調？
2.3. 變做啥乜調？
3. 調型分析：調階、調勢、調長，囡仔歌舉例：
3.1. 平調：分長短、懸中低
3.2. 降調：高降、中降
3.3. 升調：低升、中升
3.4. 升降調：中升降
4. 台語七調類本調佮基本變調討論
5. 華語四調類討論：陰平、陽平、上聲、去聲
6. 華語、台語調類對應佮台語正音
7. 台語變調个各種類型：
7.1. 基本變調
7.2. 固定低調輕聲
7.3. 隨前變調輕聲
7.4. 仔前再變調
7.5. 三疊音再變調
7.6. 輕讀再變調
7.7. 合音再變調
8. 影響台語轉調个因素：
8.1. 句法轉調
8.2. 詞法轉調
8.3. 語用轉調
8.4. 節律轉調
9. 台語聲調迷思：
9.1. 第八聲著愛唸懸短調才著？
9.2. 台語有第九聲！？
9.3. 台語本調、變調个規則是絕對个？
9.4. 複合名詞尾字以外一律變調？
9.5. 台語外來語無聲調？
面冊網誌留言
汪世鵬
底當時 ? 佇佗位演講 ?
陳文傑
台中教育大學勤樸樓，12月26日9點
Emily Lōa-Swain
真希望可以去聽
王昭華
這應該愛出有聲冊
汪世鵬
科元兄發表過足濟精彩的台語研究文章，老實講，阮誠濟儂對台語無遐爾專業的研究，看文章文字想半晡，閣無時間通好看遮濟文章，實在是用聽的 比用看的較緊。科元兄敢會當安排這場演講的錄影抑是錄音 囥佇網路予逐家分享？按呢，一場演講就會當教育着千儂萬儂，甚至後代的儂矣！功德無量呢 !
陳文傑
宜蘭攏無這種研習
Ông Puē-lîng
誠期待
潘科元
我誠緊張！
Ông Puē-lîng
先輩的智慧佮經驗誠值得學習…免驚啦
李婉慈
免緊張啦^_^
簡秋榮
上好主辦單位有錄影。
Ông Puē-lîng
老師敢會使舉文句的例來說明？譬論講：無法度（too7)無法度（too3)/佇啥麼時陣愛用本調講抑是愛念變調！勞力
潘科元
即个詞無絕對个規則，像「無法度來」，有儂佮意「度」變調，但是我一向唸本調。這是語法分析个問題，唸變調个儂，是佇潛意識內，將「無法度」分析做「修飾動詞个否定副詞」，佮「袂使來、袂得通來、袂tàng來」仝款，所以「度」著變調。但是佇阮个話句分析，是將「無法度」當做有獨立性个謂語，「我無法度#來」是等一「我無法度#通來」个意義，抑結構上是看做佮「我無時間#來」仝款，所以「度」唸本調。
陳文傑
期待中
Comments powered by Disqus.