啥乜攏是假个，平安退伍上重要

本文

阮咧做大頭兵个時，學長仔攏勸阮講：「毋通出包，啥乜攏是假个，平安退伍上重要。」義務役个儂有即種心態，真合理，因為阮是被逼入伍，也無提一點仔好處。乖乖仔做，平安退伍了後，天地曠闊[khòng-khuah]，隨在咱去發揮囉。

但是經過五十幾年無戰爭，「兩岸一家親」了後，「國軍」大大細細个將校，明明是志願入伍，明明食人民个稅金食甲油洗洗，怹儂儂嘛攏抱[phāu]即種「平安退伍就好」个心態。

所以軍中發生重大違紀事件，遮个將領無儂肯認真查辦，怹若辦落去，最後連家己都無法度平安退伍。大事化小事，小事化無事，今仔日我保汝，明仔載換恁老爸保我，逐家平安退伍，就會使得利用終身俸做本錢，過去天地曠闊个中國大陸隨意發揮囉。

台灣安全囥一邊，個人利益較大天。這就是中華民國高級職業軍人。

---

面冊網誌留言

楊克念
眾百姓，養飼一群會食毋相咬兮廢物。

王宗傑
【台灣「軍中樂園」，真正若像為舊「滿清權貴」服務「的無限就業「公司」】

Yo-Chung Lau
遮叫作阿山仔精神!

房子欽
好奇到底有幾個將軍的兒子在開那種飛機做”菁英”?

林小雙
可怕可惡可悲可笑!

訢意相謙
居安還是要思危 !