小天使 [sió thinn-sài]

下昏暗，oo-tóo-bái 佇半路無油熄火，牽去附近个加油站搭油，拄著一位少年家，騎機車經過，主動出聲問我需要幫助無，佇當咧做捷運工程，暗暗个文心路邊，我一時聽無明，掠準是奇怪个儂過來招我去佗位「輕鬆」一下（幾年前有拄過即種三七仔，世界大台中嘛，有真濟場所通予咱輕鬆，真競爭。）。

我講我無油，欲去加油站，佇頭前爾爾，無要緊。伊先開喙問我个時講華語，我用台語應伊，伊就也講台語。伊真好心，叫我坐上車，伊綴後壁哪騎伊个車，哪出一支跤共我鬥捒車。第一擺佇平路，我騎oo-tóo-bái免催油，車就「家己」一直走，涼風吹佇我个頭面，我才發現我即陣無戴安全帽。

到位了後，我共伊說謝，伊就做伊走矣。

大都市內單身過日，無意中予我遇著一个毋知名姓、來歷个小天使[thinn-sài]，佇遮我欲閣對伊表示感恩。