音樂巷

一樓咧改衫个ok-sàng，伊有一个唐氏症个查某囝，看起來像國小个囡仔，其實已經成年，即个姑娘仔真骨力，逐工咧練習伊个小蜜蜂變奏曲，哪彈哪大聲咿咿呵呵[i-i-o-o]，真快樂。

最近伊開始咧學塗嗶哹[thôo-pi-pu]（陶笛），有一个老師來教伊歕[pûn]小天星。

即條巷仔个徛家，有足濟儂咧耍樂器，是我稅厝蹛過个社區內底，音樂風氣上好个，我嘛予伊致蔭著，對一年前，開始咧學月琴。

有時半暝仔睏一醒，嘛提月琴起來輕輕仔彈，氣氛特別好，毋知有共儂吵著無？歹勢歹勢。