【台語講「記念」，毋是「紀念」】 相片个地點是佇中部山線泰安舊驛，昭和十三年(1938年)所設立个「台中線震災復興記念碑」。 咱台語所講个「記念」就是佇日本時代吸收日語漢字詞來个，念做 kì-liām 一直到今無變，是「記念 kì-liām」；毋是「紀念 kí-liām」。 「紀」佮「記」華語濫做仝音，但是台語無仝音（保存古音分別）；「記」台語...

列位扑算捌佇網路看過清朝有縛跤[pa̍k-kha]个婦人儂相片。彼是中國極䆀个風俗，對南宋就開始時行，到清朝哪久哪離經。詳情遮免講。 清朝尾受西洋文明个影響，中國儂才漸漸棄捒即个惡俗。咱看當年基督教會个文獻，親像閩南白話字「漳泉聖會報」，就知影傳教士用盡心神，設立機構（像「戒纏足會 Kài tiân-chiok hōe」），來苦勸中國百姓著愛【㨨跤 li&ucirc...

有朋友問講：「往過[íng-kuè]問儂佇佗位食頭路个時，講做『Ah汝即馬蹛佇toh？』這是因為早期去食頭路，真濟公司抑工廠會準備所在予員工蹛，所以才按呢用，抑是有啥乜特別个含意?」 我个回覆： 台語動詞「蹛 tuà」包含「停留、居住徛起、過暝住宿、予儂倩/食頭路/就業任職、男女同居」各種意思。 「予儂倩、食頭路」親像「大囝蹛銀行、二囝蹛工場」。頭家...

我大學就會曉倉頡輸入法。做兵个時佇旅部負責扑文件。一擺看著師部个電腦兵，有儂用大易、有儂用嘸蝦米，扑字速度斬然緊，阮倉頡使用者練到死嘛綴袂著。我才趁放連假个時，去買嘸蝦米个冊來練。 一下收假轉去部隊，本來我倉頡扑甲變反射動作，無疑誤煞因為改練嘸蝦米，原底个直覺規个破功，扑回原形，變做佮初學者差不多笨，但是我嘸蝦米閣猶未有夠熟，真慘。佳哉迄時我已經是破月等退伍个老鳥，無啥工課矣。 十幾年來改...

台語普通腔 喉四聲（就是 -h 第四聲）變調了後，佮第三聲个變調仝款，攏是高降調。本調無仝，毋過變調了後个聲調就分袂出來啦。 容易糊混个語詞舉例： 一、 1. 剃頭[thì-thâu]个剃，是第三聲。 2. 鐵頭[thih-thâu]个鐵，是喉四聲。 例句：鋼鐵儂个鐵頭，毋免剃頭。 有一寡「剃頭店」，愛變鬼怪，刁工寫做「鐵頭店」，像： 二、1. 做工[...

「別」--字个台語音有上入（第四聲）、下入（第八聲）兩調，斟酌講起來閣分文、白，所以有四音： 甲、文言音：piat、pia̍t，當今个台語儂袂曉分，多數儂一律唸做第八聲 pia̍t 一、piat：「區分」个意思，唸第四聲。 例：區別[khu-piat]、差別[tsha-piat]、兩種有所分別[hun-piat]。 二、pia̍t：「相辭 sio-sî」、「另外」兩種意思，唸第八...

頂回我寫〈Unicode 6.0 新收个台語漢字〉，有用教育部推薦用字 第三人稱複數「𪜶」(亻+因 )，若是各位个電腦看著引號內底是四角空格仔，毋是正常个漢字「左亻右因」，就表示恁電腦字型个支援無夠完整，所致才顯示袂出。 因為我是用 Mac，本來掠準 Windows 7 就會凍顯示「左亻右因」，即馬才知，目前 Windows 作業系統，只有上新版个 Windows 8，免咱操煩，佇 IE 原...

台灣講華語个外務 時行个話母： 一、〔這個部份來講的話〕 二、〔做一個〇〇的動作〕 例句： 一、〔這個部份來講的話，我們會到現場來做一個了解的動作。〕 二、〔這個部份來講的話，我正在努力賺錢，當我存滿了第一桶金，就會跟她做一個求婚的動作。〕 奉勸台文界諸君，毋通學華語講「若是……个話[ê uē]，就……」。 文例：毋免講「即...

台北四箍圍个山區，祖籍是福建安溪个百姓，怹有服侍「保儀尊王」佮「保儀大夫」。即兩尊神明个來歷，上普遍个講法是唐朝个張巡佮許遠，怹兩儂佇安史之亂个時，死守睢陽[Sui/Tsui-iông]，忠義參天，後儂才奉怹做神來祭拜，成做茶業、礦業个守護神。全台灣有一千外間怹个廟。 遮个故tāi 有袂少是非[sī-hui]爭論，tann 特別來講百姓對「保儀尊王」个俗稱是「尪公 Ang-kon...

出名台灣唸歌「勸世歌 Khuàn-sè-kua」內底有一葩： 講甲當今个世界 [Kóng kah tong-kim# ê sè-kài]鳥為食亡人為財想真做儂著海海 [Siūnn-tsin# tsuè/tsò-lâng# to̍h/tio̍h hái-h&a...