我對台語文个一項信念

台灣是多文化會集个所在，雖然各文化之間，受著惡質統治者个反變[píng-pìnn]佮損斷[sńg-tn̄g]，袂凍卡正常來交流融合，總是我家治愛用闊大个心胸，來了解、轉化、利用濟濟文化个所見長[sóo-kiàn-tiông]。

南島文化、西洋文化、支那文化、東洋文化、印度文化、東南亞文化，遮个攏通成做台灣文化个資產佮養分，毋是台灣文化个負債佮毒素。

欲建立一套會凍體現多文化融合个台語文，亦需要多層次个文字系統，包括表音文字佮表意文字个綜合運用是上理想个。佇koh樣个文本系統，按照伊無仝个性質佮溝通个需要，相應來採取無仝比例佮形式个混合書寫。

世界上，亦有別種語文按呢做了成功个例通好參考。

有即種基礎信念，閣來考慮按怎規範化佮標準化，按呢才卡頭路直。