華語儂有个無愛儂送時鐘，因為華語〔送鐘〕佮〔送終〕仝音。在台語儂來論，「時鐘」个「鐘」台語唸白話音 tsing（文言音才唸做 tsiong），若是「終」字攏唸做 tsiong，tsing 佮 tsiong 無仝音。而且華語〔送終〕个意思，台語講「送上山頭 sàng tsiūnn suann-thâu」，嘛有講「送山 sàng-suann」，所以閣較按怎...

我出外食頭路，家己稅一間公寓咧徛，一个同事佮怹女朋友蹛對面間。怹欲搬走矣，我暫時閣蹛咧。 我去買一尾冷凍个魚仔轉來，按算隔工欲煮。魚身厚厚肥肥，魚尾短短，規尾已經堅凍，變做弦月形。 我一下共迄尾魚囥落去空空个水槽仔內，伊沐[bak]著一點仔水分，煞隨時退冰，規尾閣活起來，phiat8咧phiat8咧，喙笑目笑真歡喜。 我看著伊按呢，雄雄一陣心酸對心肝底溢起來，我放聲大哭，手哪挼[ju&eci...

面冊動態 台語「化學池 huà-ha̍k-tî」：本來應該是「化礐 huà-ha̍k」，是現代个屎礐仔， 分做幾若窟， 利用化學个原理予排卸物沓沓仔流過一窟過一窟，來淨化排卸物。 因為是有轉化、淨化作用个礐仔，所以叫做「化礐」。 但是因為「化礐」佮「化學」台語仝音，而且「化礐」个「礐」一般儂也較袂曉寫， 所以就寫做、唸做「化學池」。 其實礐是有特別作用个池，毋是飼魚个魚池，也毋是洗身軀...

真濟儂台語第四聲、第八聲分袂清，像： 色 sik4、熟 si̍k8 竹 tik4、敵 ti̍k8 職 tsit4、一 tsi̍t8 捌 bat4、密 ba̍t8 借 tsioh4、石 tsio̍h 即種情形，著愛揣兩字詞，而且以上个入聲字出現佇「非尾字」个所在，迄个入聲字若變懸調，本調就是第四聲；若變低調，本調就是第八聲： 「色彩」前字入聲字變懸調，伊个本調就是第四聲。 「熟菜」前字入聲字變...

台語口語「老 lāu」个反義詞，單字是「茈 tsínn」（身心兩方面攏無成熟），兩字是「少年」（偏向生理）。「少 siàu」單字佇口語無用，咱講「伊較少年」，無講「伊較少[siàu]」，但是有講「伊較茈」（即種講法，中少年个台灣儂真濟已經袂曉得。） （華語〔嫩薑〕台語講「茈薑 tsínn-kiunn」，但是〔老薑〕台語講「薑母 kiun...

華語〔打針〕，閩南話（包括金門）、東南亞福建話攏講「扑針 phah-tsiam」，但是台灣話毋是按呢講，咱講「注射 tsù-siā」，這是吸收日語个講法，論真較雅氣。 佇台灣若講「扑針」，老輩儂聽無，中年儂聽了會起愛笑，總--是，少年儂可能會講，我就捌聽過親切个店員小姐按呢講過。 伊對別个儂客攏講華語，但是看著我講台語，伊就改講台語，伊个台語已經比市內仝沿个查某囡仔 好足濟矣。...

「幼齒 iù-khí」即个詞，阮細漢無聽過，較大漢个時社會才時行起來，變成通儂知个話。總--是，咱查歌仔冊語料、教會公報語料、廈英大辭典（佮補編）、台日大辭典、台灣話大詞典（陳修 2000二版），攏總無「幼齒」即个詞，到臺灣閩南語辭典（董忠司 2001）才看會著。可見「幼齒」是新詞。 （我个意思毋是講到二十一世紀「幼齒」才通行[thong-hîng]，...

去參加一个營隊，睏總鋪，我穿一領長睏褲，早時起來，外褲挔[hiannh]咧，欲出去外口个便所換（因為無分男女，攏蹛仝即間兩排个總鋪厝仔）。 外口是露營區，有種真濟樹仔，我行來行去，雄雄看著幾棟大樓，是大學校園抑是研究院區个形。 我猶原閣穿睏褲，感覺真歹勢，緊走入去一間大樓，想欲去一樓个便所換，但是守衛不准，共我趕出來。 連鞭我出來到鬧熱个街路，五花十色，親像是中囯繁華个大都市，我講華語問一个...

教育部台語用字，大部份我攏綴咧用，總--是，有一字我較按怎都毋接受，就是「ê」寫做「的」，伊按呢做對推捒台語文真不利。 過去个台語文獻，毋是無用「的」來寫「ê」，親像日本儂所編个台詞辭典、教材，後來个教會漢字版台語聖經、詩歌，閣有台語流行歌詞。因為：一、遮个資料攏是規篇完整、獨立个台語文。二、遮个資料若毋是有完整个台語音標通好對照，無，就是有完整个錄音通好哪聽哪對歌詞...

台語「毋好 m̄-hó」，會使做主要動詞，像「按呢毋好！」，也會使做助動詞，像「毋好去！」「m̄-hó」也有所在是講「m̄-hónn」，也有所在是講「m̄-móo」，目前我个解說是，後兩種講法攏是 m̄-hó 个變化。 各地个口音攏有變音个現象並無希罕，像阮自細漢根本毋知影台語表示 tonight 个意思其實是兩音節个 e...