羅肇錦教授有一篇文〈「台語」是讓人不安的稱呼〉2011年以來，一直掛佇中華民國客委會个官方網站，即篇文有真濟似是而非个資料、矛盾个主張，但是也是反對「台語」名稱个儂重要个論證根據。 明明先有「台灣話、台語」个名稱，國民黨來台灣，才強迫台語改號做「閩南語」，伊煞顛倒頭，講「台語」是取代本來「閩南語」个正確講法。 伊有兩大理由，不准阮个話號做「台語」，著愛改做「閩南語」： 以「台語」或「台灣...

歐洲先進國家，一國有幾若種國語並無希罕。目前中華民國个國語只有唯一个北京華語，客家朋友應該做个是爭取客語升做國語个地位，毋是佮台語儂相爭「台語」个名。當然，客語若成[tsiânn]做國語，台語嘛愛成做國語。 若是客家族、原住民族真正歡喜稱呼家己个語言是「台語」，咱才有需要進一步討論，欲按怎分別台語即个集合名詞內底个無仝語言。但是事實是，客家鄉親、原住民鄉親普遍無愛改號做台語，怹一...

較媠氣个台灣俗語，若有押韻，真濟是完美押韻，意思就是：毋但韻母仝款，聲調也仝調。親像： 「好心予雷tsim」、 「揀啊揀，揀著賣龍眼」、 「忍[lún]啊lún，lún著一个金石-tún」、 「翁生某旦，食飽相看」、 「外甥食母舅，親像食豆腐」、 「出門liu-liu-tshiu-tshiu，食兩蕊目睭」、 「直直食，直直賰；直直儉，直...

真濟儂不准阮稱呼家己个語言是台語，怹个理由是：原住民、客家人[hag2 ga24 ngin11] 嘛有權利稱呼家己个語言是台語，是按怎恁有權獨佔即个名稱？ 阮嘛歡迎原住民、客儂稱呼家己个話是台語。問題是，怹根本無愛按呢做，怹有怹家己本底个名稱，怹佮意繼續用，阮當然尊重。 按呢反對个儂是咧反對啥？其實怹就是完全無容允「台語」即个名稱存在，希望「消滅『台語』」，才夯[giâ]出原住民...

我做兵个時，一擺出去訓練，坐兵仔車，軍卡車斗崁布篷，一條帶仔收無好勢，垂落去，佮車輪一直摩擦，半路就𤏸火起來，逐家緊跳落來。 寢頭是一點仔火星，結局規台車殼燒了了。佳哉是柴油車，無爆炸。 明明都規定車內著愛有滅火器，但是車隊个士官兵就是凊凊彩彩，無攢予便。後來敢哪大事化小事，無聽見怹有受著啥乜懲處[tîng-tshú]。 遊覽車火燒車个悲劇，大部份攏是人為過失，無照...

以下个對話來自「新聞挖挖哇」(2015-10-28) 電視節目： 陳亭妃：「我做（台南市）議員个時，質詢嘛是用台語質詢，只是到立法院變成無仝款，因為足濟官員講台語伊聽無啊，所以汝愛閣共[kā]翻譯啊，〔有那個時間差〕，汝共問了，伊閣愛扽蹬--一下，叫伊邊--仔个助手共伊做一下翻譯。」 鄭弘儀：「是按怎講號做『扽蹬』--一下？『扽蹬』是啥乜意思？」 陳亭妃：「『扽蹬』就是〔停一下〕。」 謝龍...

天地曠闊圓lin-lin [Thinn-tē khòng-khuah înn-lin-lin.]性質孤介守單身 [Sìng-tsit koo-kài tsiú tuann-sin.]看儂眷屬綴規陣 [Khuànn lâng kuàn-sio̍k tuè kui-tīn.]...

Windows 7 使用者上網瀏覽台語資料个時，若欲完整顯示 Unicode 有收个台語字，著愛用 Firefox 瀏覽器，配合「花園明朝體」字型。 若是安裝設定了有成功，應該就看會著我佇遮所扑个「𪜶」(人+因 in)、「𬦰」(足+百 peh)、「𫔘」(門+丨 tú)、「𨑨迌」(辵+日、辵+月 tshit-thô)、「𠢕」(敖+力 gâu)。總共有六字。...

「貞」台語只有一音 tsing，佮「時鐘 sî-tsing」个「鐘」、「精神 tsing-sîn」个「精」台語仝音。「貞」佮「真 tsin」台語無仝音，請毋通予北京華語帶衰--著，北京華語〔貞〕變做佮〔真 ㄓㄣ〕仝音。 台語「精神」佮「真神」當然嘛無仝音，若是分袂出來，就算是臭奶呆，我毋是咧講歹話，是指喙舌控制了無好勢，「精」个韻尾个發音部位去予「神」个聲母牽去。 以...

台語有一个高級詞，形容路途遠，叫做 tiàu-uán，時常講做四字「路途 tiàu-uán」（lōo-tôo tiàu-uán）。教典無收即个詞，干焦有單字「窵 tiàu」。 我本來想講這就是「迢遠」即个詞，前字有邊讀邊[iú pian tho̍k pian]个結果，因...