咱个傳統觀念，輕視使用 left hand，叫做「倒手 tò-tshiú」，left side 叫做「倒爿、倒手爿」；鼓舞儂使用 right hand，叫做「正手 tsiànn-tshiú」，right side 叫做「正爿、正手爿」。英語文化嘛是，right 有兩種意思，表示講「右=正確」。 「倒手、正手」語源雖然有價值判斷个好䆀分別...

正音个問題不止仔複雜，干焦考慮中古韻書个反切是無夠个。「淑」雖然有《唐韻》「殊六切，音孰」个記載，予咱知影伊有陽入聲个古音，但是自兩百年前个泉腔韻書《彙音妙悟》就將「淑」歸佇陰入聲，也就是本調唸 siok4，所以「淑女」佇前字才會變高短調，這有照「變調規則」變調，所以袂使講「無照規矩變」，只是會使講「單字本調走音去，對陽入縒對陰入」。 但是閩、台語將「淑」唸陰入，咁真正是走音？這有兩種可能，...

華語﹝打水漂兒﹞是阮讀國中，佇國文課本學著个。但是即種活動，阮國小去溪邊泅水，常在咧耍，可惜從來毋捌聽過囡仔伴抑是序大儂提起台語个講法，嘛毋知主動去問。可見台語文進入學校體制來進行系統化、有意識个學習，絕對有必要，若無，的確會愈來愈死失。 我研究台語了後，才知影〔打水漂兒〕台語叫做「考水披 khó-tsuí-phi」，「考 khó」是動詞（寫「考」可...

美國眾議院情報委員會調查出中國通訊企業「華為」(HUAWEI)佮「中興」(ZTE)，從事間諜[kàn-tia̍p]活動，威脅著美國个國家安全。 即兩家間諜公司个產品，早就大量摒[piànn]入來台灣。我个安全意識有夠低，手頭竟然有一支手機仔佮一支 USB 3G 網卡是華為做个；閣一支手機仔是 ZTE 做个。 遮个通訊用品，我攏是佮電信公司（中華、威寶）縛約買來个。...

教育部台語推薦用字，將疑問助動詞 kám 寫做「敢」，我無趁從--伊，寫做「咁」。助動詞 kám 本字卻然是「敢」，寫「咁」是不得已个借用字，即个借用字，無管伊佇古文个用法，是當做台語个專用字來寫。寫借字，無寫本字，因為台語 kám 佮 kánn 兩音本字攏是「敢」，而且意義發生分化，但是又閣攏會凍出現佇動詞「是、有」等等个頭前，漢字寫...

台語「交關」是指買物件，但是有卡深个含意。 例一：生理儂對儂客講：「新發叔--仔，真久無來共阮交關矣！遐坐啦。」 例二：咱對厝內个儂講：「旺伯--仔怹後生佇街頭開一間pháng店，咱來去共伊交關一下。」（pháng店 =「麵包店」） 解說台語「交關」vs. 文言/華文「惠顧」： 講「惠顧」比較是單方面个，含有賣方對買方个感謝，感謝買方个恩惠關顧。 講「交關」比較是...

今仔日欲講个高階諺語：「井水化做酒，尚嫌豬無糟」[tsínn-tsuí huà tsò tsiú, siōng hiâm ti bô tsau]。 即句諺語个出典是漢人自古流傳各地个故事，其中一个版本，講有仙人打扮做乞食，不時去共一間酒店分[pun]酒 食，頭家真慷慨，攏請--伊。後來仙人感心，行去...

台語有分「枵」「飢」「餓」三種，比華語加足精密： 一、「枵 iau」hungry，腹肚內空空，會枵。 二、「飢 ki」，枵了過頭，會影響健康个程度，像：過晝[tàu]兩三點閣猶未食，就會「枵了過飢 iau liáu kuè ki」；艱苦儂三頓顧袂直，定定「枵飢失頓 iau-ki sit-tǹg」。「飢」罕得單獨用。 三、「餓 gō」starve，非常...

林祥雲先生佇伊个台語白話字著作[tù-tsok]《Sêng-gú Chi̍p》（成語集）內底解說「枵雞毋惜箠，枵儂毋惜面皮」[iau-ke m̄ sioh tshê/tshuê, iau-lâng m̄ sioh bīn-phê/phuê]，講： 「雞若枵，毋驚竹箠扑趕；儂若枵，毋驚體面[th...

最近我更新 iPad 頂面个「南懷瑾國學精品合集」了後，即个 app 就開袂起來矣。 我足久毋捌對儂提起南先生，頂頂禮拜佇台語讀冊會講著伊冊裡有寫：伊拄來台灣聽著大學生講「哲學 thiat-ha̍k」兩字，一時煞掠做是華語﹝鐵盒﹞。我用即个例欲表明兩項： 一、「哲」个台語正音是 tiat，但是佇台灣早就有真濟儂（包括先父）講做 thiat。 二、戰後初期高學歷个台灣儂台語程度閣袂䆀，也時常用...