有一首非常有名个台語白話詩「阿爹的飯包」，第一節寫講： --- 每一日早起時，天猶未光 阿爹就帶著飯包 騎著舊鐵馬，離開厝 出去溪埔替人搬沙石 --- 老實講，「帶著飯包 / 騎著舊鐵馬」即種語法毋是正台語。伊這是對華語「帶著(ㄓㄜ．)飯盒 / 騎著(ㄓㄜ．)舊腳踏車」个思考「直譯」過來台文个結果。華語表示「動詞持續貌」个虛字「著」(ㄓㄜ．)，其實台語無完全對應个講法，這無算台語个缺點，因為...

英文 object 有真濟意思，包括「物件」、「目標」。英文電腦科學用語 object-oriented 个 object 所指毋是「目標」，是「物件」。所以 object-oriented 台灣華文翻做〔物件導向〕有合原意，彼是設計程式个一套分析佮思維方法。 真心適个一點是，台灣華文生活上講〔東西〕，罕得講 ㄨˋ ㄐーㄢˋ（賣厝个有講 ㄨˋ ㄐーㄢˋ，來自日語），顛倒台語才是講做 mi̍h...

台語兩个倚音[uá-im]个高級詞【存長 tshûn-tn̂g】、【賰長 tshun-tiông】解說佮舉例： 【存長 tshûn-tn̂g】：深謀遠慮，tshûn 是考慮、顧慮，「長」字唸白話音，會曉考慮著較長、較遠个未來就是「存長」。近義詞是【存後 tshûn-āu】、【存後步 tshûn-āu-pōo...

以下台語詞个漢字是參考用个爾爾。這是我綜合各種辭典、文獻、腔口、年齡層个講法簡單整理个筆記，所以照講並無任何一位台灣鄉親，全部遮个詞伊攏有咧講。 第一組： 1. lám-nuā（荏懶）：〔邋遢〕，俗語：貧惰兼荏懶（pîn/pân/pūn-tuānn kiam lám-nuā）。 2. lān(lām)-muā：形容詞，教典解說〔厚顏無恥、流...

歌仔冊《鄭國姓開臺灣歌》（竹林書局）內底有寫著「欄杆」： 時代縛腳即大辦， 查某穿衫勤欄杆。 看着實在真希罕， 出門袂行着人牽。 台灣民間文學歌仔冊資料庫（以下簡稱「歌仔冊網」）音註《鄭國姓開臺灣歌》對即个「勤欄杆」个解說是： 「勤欄杆」：女孩子愛美，想要身材苗條，把腰部束緊，像用繩子圈住欄杆一樣。因束得緊緊地，所以形動像靈桌[女+間]一樣──「柴柴(tshâ)」(不...

台語動物名 bâ，教育部台語辭典寫做「猫」；若是 niau，伊就寫做「貓」。其實「猫」、「貓」兩字佇漢字系統內只是異體字。無法度啦，台語太豐富咧，只好將本來仝一字个無仝寫法，提來分用。 「貓 niau」是英文 cat，真簡單。「猫 bâ」單字到底是啥意思？這所指稱个動物毋但一種，以前个文獻顯示，「猫 bâ」會使通稱「niau，抑是像 niau 个動物」，無...

佔儂便宜，台語單字動詞是【偏 phinn】，像「毋通偏[phinn]--儂」，但是咱有時會聽著有儂講做「毋通 phenn--儂」，這是過度類推生出來个「新漳音」，時行佇台南市一帶。 「過度類推」佇遮个意思是講：有真濟字，泉音唸 -inn 韻母，對應个漳音是 -enn 韻母，像「生 sinn/senn、青 tshinn/tshenn、星 tshinn/tshenn、羹 kinn/kenn、更 ...

我心目中个台語，至少愛像臺日大辭典按呢，有非常豐富个四字成語/套語咧通行，無論是白話抑是文言，攏會使兼收總包。 臺日大辭典有袂少四字成語 伊有標註（文）字，就是「文語」，彼毋是指專門用佇書面文言文个意思，是當時台灣社會較有見識抑是較有冊底个台語儂實際會講出喙个話。 我凊彩抽一張臺日大辭典下冊p.1036，將內底出現个四字套語攏畫紅線做記號（重覆出現--个只畫一遍），干焦即一頁就有十一个四字套...

華語「及物動詞 + 了 + 名詞受詞」台語通常只要講「及物動詞 + 名詞受詞」就好，免加迄个「了」，聽話者會使照前後話意來判斷是毋是指完成狀態。像〔一口氣吃了三碗〕，台語只要講「一睏食三碗」就好，毋通講「一睏食了[liáu]三碗」。 有時台語會使佇動詞頭前加「有」，像華語〔他最後說了一句話〕，台語「伊最後有講一句話」，毋通講「伊最後講了[liáu]一句話」。 台語...

台語有一句俗語，將儂過身（亡故），講做「去蘇州賣鴨卵」（khì Soo-tsiu bē ah-nn̄g）。即句話應該是「去塗州賣鴨卵」（khì thôo-tsiu bē ah-nn̄g）走音个結果，走音个原因無的確，有可能是無意个，也有可能是刁工个。台日大辭典即兩種講法攏有收，但是無解說語源關係。蘇州儂毋知影即句俗語，因為這是閩、台才有个講法，後來傳去...