2012-04-21拜六下晡，去聽鹿港學者郭忠雄先生演講「鹿港話聲調與漢語音字班」，伊一開始就講足濟真幼个學術細節，但是我看在場个聽眾，恐驚多數連基本个聲韻學術語，像「陰、陽、平、上、去、入」嘛袂曉得，佇遮補充一下。 即種術語，請當做是一種代號，對應「台語八音」个另外一種稱呼爾爾。汝若會曉「呼八音」，按呢就會凍大概掌握。尤其是「陰、陽」，千萬毋通予中國古早儂个聲韻學術語騙去，掠叫是「陰」个聲...

即種物件，台語叫做「骰仔 tâu-á」，佮「豆仔 tāu-á」聽起來攏仝音，其實第一字本調無仝，只是因為後壁有「仔」，發生「仔前變調」，所以第五聲个 tâu 佮第七聲个 tāu 攏變做中平調。因為聽起來仝音，所以若欲分卡清咧，「骰仔」嘛講「撚骰仔 lián-tâu-á」、「十八骰仔 si̍p-pat...

關係「台語正音」，有真濟層面[tsân-bīn]，可比講： 一、上基本个是基本音韻系統个呼音，親像汝若一切 g 聲母攏無--去，像「五箍 gōo-khoo」講做「芋箍 ōo-khoo」；「牛肉 gû-bah」，講做「有吧 ū--pah」。閣有 am 全部變做 ang，像「澹澹 tâm-tâm」講做「銅銅 tâng-tân...

廈門會文堂古早歌仔冊《最新失德了歌》書影 台語否定詞 mài，教育部kah儂著寫「莫」。決定採用即字个專家扑算毋知影台語另外有 boh8 即个否定詞。bo̍h 才是「莫 bo̍k」个白話音，像「莫得講[bo̍h-tit/teh kóng]」是 mài講；「莫應 bo̍h-ìng」是毋通、不應該；轉接詞「莫講、莫講卻[kioh]」是華...

「分類實用台語錦囊」電子冊个構想： 一、以實用做出發點，分類整理、舉例解說台語个語詞、表達法。像我最近寫个「佮『抱』有關个台語單字動詞」、「用肩胛頭負擔物件个台語單字動詞」。有單字、多字詞、慣用語、規句話。 二、有台語文通[thang]看，嘛有聲音通聽。 三、卡焦燥[ta-sò]个解說舉例了後，愛佮[kah]一寡趣味个物件。親像短片，一對愛人仔，透過怹「蜜絞糖」个心適對話，予儂...

查某毋通「討契兄 thó khè/khuè-hiann」；查埔毋通「鬥伙計 tàu hué/hé-kì」。（「計」唸白話音，佮「記」仝音）。 老查埔配少年查某，叫做「老牛食幼菅筍」[lāu-gû tsia̍h iù-kuann-sún]； 查某【倒貼小白臉...

台語用肩胛頭負擔物件个相關動詞：「夯[giâ]、擔[tann]、扛[kng]、揹[phāinn]、偝[āinn]、gî」。 一、夯[giâ]：用肩頭將重物夯起來。像：夯粟仔[tshik-á]、夯紅毛塗、夯石輪[giâ-tsio̍h-lián]（「舉重」）。夯車輪[lián]有兩種意思，一種是字面上个本意...

台語佮「抱 phō」有關个一寡單字動詞，咱來分別怹个意義、用法个差別： 一、抱[phō]：通常規个儂共伊離地抱起來，主要用佇儂、動物，有性命个。上捷講「抱囡仔」「抱孫」。 日本時代台灣儂剾洗日本儂風俗个唸謠： 儂插花，伊插草 儂抱嬰，伊抱狗 儂未嫁，伊先走 儂坐轎，伊坐畚斗 儂睏紅眠床，伊睏屎礐仔口 儂到厝，伊到橋仔頭儂hah-hah笑，伊目屎nih-nih流。 二、攬[lám...

台語羅馬字，二十幾冬來，倚靠少數志士个推捒，雖然會曉个儂是愈來愈濟，總是，對規个台灣社會來講，全羅台文，猶原是火星文、祕密文。 一半也是無奈，一半也是為即種無啥儂捌个文字形式走揣出路，有寡儂會利用這來佇公開个網路頂，書寫怹个祕密心事。無論是對待意愛在心內，閣歹勢對伊講出喙个查埔儂，抑是怨慼凝心，毋敢當面反應个頭家、序大，將心內話用台羅文寫出來解心悶。 橫直迄个對頭主看無，袂直接sia̍p-l...

佇電腦溝通个時代，欲鼓舞台語儂來寫台語文，定著會拄著「輸入台文」个問題。針對無仝對象，有兩種好法度： 一、若是有時間對拼音開始，系統化來學台文个儂，像台語系學生，抑是有決心去上台文研習班个社會人士，咱就建議伊來寫全羅台文，互相通批、發簡訊，保證進步神速。寫出來个台文嘛上自然，袂有「中文羶[hiàn]」。 二、若是會曉倉頡、嘸蝦米、行列⋯⋯即類輸入法个儂，咱就鼓舞伊來扑漢字台文。...